Шүхэрт
Хууль эрх зүй
Үйлчилгээний нөхцөл
Сүүлд шинэчилсэн: 2026.03.21 · Энэхүү үйлчилгээний нөхцөл нь "Шүхэрт" аппликэйшнийг ашиглахтай холбоотой хэрэглэгч болон хөгжүүлэгч Г.Баасантөмөр хоорондын эрх, үүргийг тодорхойлно. Аппликэйшнийг татаж авах, бүртгүүлэх, эсвэл ашигласнаар хэрэглэгч энэхүү нөхцөлийг бүрэн зөвшөөрсөнд тооцогдоно.
1. Үйлчилгээний зорилго
"Шүхэрт" аппликэйшн нь сүсэгтэн хэрэглэгчдэд зурхайч лам нараас зөвлөгөө авах боломж олгох онлайн үйлчилгээ юм. Үндсэн үйл ажиллагаанд: Facebook эсвэл Gmail ашиглан нэвтрэх, асуултаа зөвхөн аудио хэлбэрээр илгээх, зурхайч лам нараас аудио хэлбэрээр хариу авах, мөн хүсвэл лам нарт өргөл өргөх боломж багтана.
2. Хэрэглэгчийн бүртгэл
Аппликэйшнийг ашиглахын тулд хэрэглэгч Facebook эсвэл Gmail хаягаар нэвтэрнэ. Хэрэглэгч үнэн зөв мэдээлэл ашиглах үүрэгтэй бөгөөд өөрийн аккаунтын нууцлал, аюулгүй байдлыг өөрөө хариуцна. Хуурамч аккаунт ашигласан эсвэл аппликэйшнийг буруу зорилгоор ашигласан хэрэглэгчийн эрхийг хаах эрх хөгжүүлэгчид байна.
3. Аудио асуулт ба хариулт
Хэрэглэгчийн илгээсэн асуулт болон лам нарын өгсөн хариулт нь зөвхөн аудио хэлбэрээр дамжина. Хэрэглэгч бусдыг доромжилсон, заналхийлсэн, хууль бус агуулгатай аудио илгээхгүй байх, бусдын нэрийг ашиглан асуулт илгээхгүй байх, аппликэйшнийг буруу зорилгоор ашиглахгүй байх үүрэгтэй. Шаардлага хангаагүй аудио асуултыг устгах эрх хөгжүүлэгчид байна.
4. Үйлчилгээний төлбөр
Аппликэйшнийг ашиглах нь хэрэглэгчийн хувьд бүрэн үнэ төлбөргүй. Хэрэв хэрэглэгч хүсвэл зурхайч лам нарт өргөл өргөх боломжтой. Өргөл нь сайн дурын шинжтэй бөгөөд ямар нэгэн үйлчилгээний албан ёсны төлбөрт тооцогдохгүй.
5. Данс цэнэглэх ба өргөл өргөх
Хэрэглэгч аппликэйшний дотоод дансаа цэнэглэж, дансан дахь мөнгөнөөсөө лам нарт өргөл өргөх боломжтой. Дансанд хийсэн мөнгө нь зөвхөн аппликэйшний дотор ашиглагдана.
6. Мөнгө буцаах нөхцөл
Хэрэглэгчийн сайн дурын өргөл буцаагдахгүй. Гэхдээ техникийн алдаа гарсан, давхар төлбөр хийгдсэн, эсвэл системийн буруу ажиллагаанаас мөнгө алдагдсан тохиолдолд дансны үлдэгдлийг шалгаж шийдвэрлэж болно.
7. Хэрэглэгчийн мэдээлэл ба нууцлал
Facebook эсвэл Gmail аккаунтын үндсэн мэдээлэл, аудио асуулт болон хариулт, аппликэйшн ашиглалтын мэдээллийг цуглуулж болно. Эдгээр мэдээллийг зөвхөн үйлчилгээний ажиллагаанд ашиглана.
8. Хариуцлагын хязгаарлалт
Зурхайч лам нарын өгсөн зөвлөгөө нь хэрэглэгчийн амьдралын шийдвэрийг орлох албан ёсны зөвлөгөө биш болно. Лам нарын өгсөн зөвлөгөөний үр дүн, хэрэглэгчийн гаргасан шийдвэр, интернэт болон системийн доголдлоос үүдэлтэй хохирлыг хөгжүүлэгч хариуцахгүй.
9. Үйлчилгээг хязгаарлах эрх
Доромжилсон аудио илгээсэн, аппликэйшнийг буруу зорилгоор ашигласан, эсвэл системд эрсдэл үүсгэсэн тохиолдолд хэрэглэгчийн эрхийг хаах боломжтой.
10. Нөхцөлд өөрчлөлт оруулах
Энэхүү үйлчилгээний нөхцөлд өөрчлөлт оруулах эрх хөгжүүлэгчид байна. Өөрчлөлт орсон тохиолдолд аппликэйшн дотор мэдэгдэнэ.
11. Холбоо барих